الجزء الثاني من تصرقع بلا حدود..
الليل الساعة 8 في بيت حجي مكي
حجي مكي: زهرة ..زهرة وينش
زهرة: نعم أبوووي تعال اني هني في الحجرة
حجي مكي: شحوالش بتي؟
زهرة: زينة أبوي وانته وش مسوي؟
حجي مكي: مدام بتي زينة أكيد أنا زين..ها مو قاصرنش شي؟
زهرة: الله يخليك أبوي حط ليي نت
حجي مكي : وش هذا بعد يطلع النت؟
زهرة: هذا واير يحطونه في الكمبيوتر وبعدين أقدر اشوف كلشي ابيه
حجي مكي: انزين الحين بقوم اجيب ليش واير من الوايرات الي عندي وبوصله
زهرة: لا ابووي مو جدي السالفة
حجي مكي: عجل جيفه بعد!!
زهرة:لازم تروح بتلكو وتقدم على طلب
حجي مكي: يعني جدي جان قلتين من البداية.. ما عليه انا من باجر بروح وبسألهم عن هالسالفة ..انزين الحين قومي جهزي روحش عشان نروح بيت عمش نزور جدتش
زهرة: اففف ولازم اروح يعني
حجي مكي: أي لازم والله ما تبين النت
زهرة: لالا بقوم بقوم الحين اني ما صدقت على الله
وبعد ما تجهزوا ركبوا السيارة وراحوا بيت العم الكبير عبدالله وساكنه عنده الجدة وأول ما دخلوا البيت شافوا الجدة وسلموا عليها
الجدة: وش فيكم ما تزورونا الا في السنة حسنة
زهرة في خاطرها: بدت هالعجوز في الهدرة
الأم فخرية: عمتي تدرين بعد شغل البيت ما يخلص
الجدة: وحقويش هالخايبة ما تعاونش والله بس فالحة في طوالت اللسان
زهرة: اللهم طولش يا روح شكلها الليلة ما بتعدي على خير
حجي مكي: عيب زهرة سكتي عنها دي مرة كبيرة
زهرة: انشاءالله ابووي بسكت وبصبر والله اني وش ليي جاية جبجب بطني
الجدة: اقول يا ولدي
حجي مكي: آمري أماااه
الجدة: اني نويت أجي بيتكم أقعد ليي جم يوم بغير جو يعني
زهرة: وي وي وي وي وش قلتين ما سمعت اقين اقين
الجدة: قلت بجي بيتكم جم يوم ولا تخليني الحين اسويها سنه
زهرة: لا يا بووي ما عندنا مكان ليش و لقدوش الخايس
الجدة: عاد اني باجي وغصباً عنش رضيتين لو انرضيتين>>> بل عليها هالجدة تحب تعاند
زهرة: ما عليه لكن تعالي وبراويش نجوم الليل في عز الظهر
الجدة: يلا يا ولدي قوم نروح بيتكم
زهرة: بل بل عليش ناوية تبدين النحاسة من الحين
حجي مكي: بسش عاد انا الى متى بفهم فيش
زهرة: هادي امك واقفة ليي عضم في البلعوم ماني بالعتنهااا
الأم فخرية: عيب عليش يلي ما تستحي دي جدتش حسبت امش
زهرة: كفايه عليي ام وحده بعد يصيرون ثنتين
حجي مكي: يلا قوموا خلونا نروح
في بيت حجي صالح
زينب قاعده تطق باب حجرة أخوها ومو راضي فاتح ليها الباب
زينب: حسن افتح الباب تقول ليك امي تعال اتعشى
حسن : روحي ولي انتين بعد عن وجهي ما ابي اشوف احد ولا ابي عشى
زينب: وفرت بعد.. وراحت زينب الى امها وأبوها الصالة
الأم مليحة: ها وينه اخوش ما اشوفه جاا اياش
زينب: مو راضي يقول ما يبي يشوف احد ولا يبي عشى
الأم مليحة: جيفه بعد هو ما أكل شي أني بروح أودي ليه العشى
حجي صالح: قعدي مكانش وخليه يولي عنش هذا ما يفيد اياه الا العيون الحمرة بس انتين من دلعش الزايد ليه خربتينه
وطبعاً مليحة ما تقدر ترد على حجي صالح اذا كان معصب ، فقعدوا يتعشون وكل واحد ساكت
في بيت حجي مكي
لما وصلوا البيت نزلوا الجدة وزهرة بهاوشهم كل وحده تقول كلمة والثانية ترد عليها >>> والله حاله اياهم يعورون الراس
دخلت زهرة البيت وشدخت بأغراض جديتها على الأرض
الجدة: ونااايبة تشيلش يا العلة كسرتين أغراضي يلي ما تفهمين
زهرة: الله الله إلي يقول أغراضش الحين كلهم ماركة عالمية
الجدة: انجبي جبش ربي انجبي ياام الدواهي
زهرة: يا ربيي يا ربيي هالعجوز بتجيب ليي حاله نفسية هذا وتهوها جاية بعد الله يعييني عليش يا البلوة.. أقول جدتي
الجدة: تقلقلت حنوجش وش تبين تسوين روحش طيبه بعد لاويه
زهرة: لا بس قلت أسألش يعني أنتين مفكرة جم يوم تشرفينا
الجدة وتبي تقهرها أزيد: والله على حسب المزاج يعني لين توالمت اني ونسوان الفريق بقعد ازيد يمكن بعد افكر اقعد لنهاية عمري
زهرة: انتين بكبرش منتهيه ما ادري لمتى بتظلين جدي لكن أني أقوم عنش أبرك ليي لا يرتفع ضغطي
الجدة: ويش تقولين فيش الضغط أكوو عندي حبوب الضغط جان تبين
زهرة: والله محد رافع ضغطي غيرش
حجي مكي: يلاا أمااه أكوو أنا جهزت ليش الحجرة ..مو ناقصنش شي بعد؟
الجدة: قواك الله يا ولدي الله يحفظك.. وتأشر إلى زهرة : هيي وينه رايحه تعالي عاونيني شيلي الأغراض عني.. وسمعووا بعد هداني بروح انام ما أبي اسمع ولا صوت ورايي قعدة باجر من الصبح
زهرة: بدينا بالتشرط .. وينه بتروحين يا حظي
الجدة: ما يخصش وأمشي اهوو
زهرة: ما برد عليش
الجدة: أحسن عورتين راسي من هدرتش
الأحد مايو 23, 2010 2:18 am من طرف ابن السكران
» مسابقة جميلة تعرف على اللاعب المشهور
الخميس مايو 13, 2010 1:41 am من طرف فرداني 10
» وفاه الزهره الروايه الثانيه ( مأتم وليد الكعبه )
الثلاثاء مايو 04, 2010 6:45 pm من طرف فرداني 10
» .: قبل الفجر :.
الخميس أبريل 29, 2010 8:25 pm من طرف احمد يوسف
» معلومات حول فريق ريال مدريد
الأحد أبريل 25, 2010 7:32 pm من طرف حسين
» 20 صورة مشاركة الرادود علي الحداد في الحسينيه الزينبيه بالمنامه
السبت أبريل 24, 2010 2:19 pm من طرف 3lOoOy_313
» ساااااااااااااااااااااالفه اتموت من الضحك(لاتفوتكم
السبت أبريل 24, 2010 2:09 pm من طرف 3lOoOy_313
» قصة بقية الله في أرضه
السبت أبريل 17, 2010 6:49 pm من طرف احمد يوسف
» اعلان عن مهرجان للاطفال
الجمعة أبريل 16, 2010 8:51 pm من طرف هيئه الأعلام